Des Edlen, von Gott hochbegnadete[n] Herren Caspar Schwentkfelds von Ossing ausz der Schlesien seliger gedechtnus, Christliche leerhaffte Sendbrieffe vnd schrifften, die er in Zeit seines lebens, vom XXV. Jare anbiß auff das LXI. der mindern zahl, auß eingebunge des H. Geists mit zugnus H. Schrifft, an gottfürchtige, gütthertzige, an geistliche vnd weltliche, hohes vnd nidern Standes personen, an Geleerte vnd vngeleerte, reiche vnd arme geschrieben, Inn welchen sein Christliche leere vom Euangelio JESU Christi grundtlich vnnd seine offentliche Gesprech, die er mit den Geleerten vnd fürstehern gehalten, ordentlich erzehlet werden, Es wird auch darinnen deutlich erklert, wie trewlich Er den jetzigen vier Parteien jre jrrthumb, fehl vnnd mengel in der leere, mit sänfftmütigem Geist mundtlich vnd schrifftlich entdeckt, vnd zu bessern auffrichtig erinnert vnd ermanet, Wie vndanckbar sie sich aber gegen jme bewiesen vnd erzeigt haben, das werden alle fromme vnparteische hertzen künfftig im leichte der gnaden sehen vnd erkennen. Mit fleiß vnd trewe auß seinen protocollen, oder nachuerlassenen Original-schrifften zusammen gebracht vnd an tag gegeben, sampt einem dreyfachen Register