Relaciones de distancia y proximidad prosódica entre el asturiano y el canario: un estudio dialectométrico de declarativas e interrogativas ; Relationships of prosodic distance and proximity between Asturian and Canarian: a dialectometric study of declarative and interrogative sentences

El proyeutu internacional AMPER (Atlas Multimédia Prosodique de l'Espace Roman) supunxo una gran ufierta pal ámbitu de la Xeografía llingüística por inxerir, como oxetivu cimeru, l’estudiu prosódicu de les llingües y variedaes romániques. Ello fixo posible l’algame d’una bultable cantidá de datos prosódicos, que non solo dexaron conocer meyor cada una de les llingües y variedaes analizaes dende una perspeutiva práuticamente inorada nos estudios tradicionales, sinon y arriendes d’ello, ufrir la posibilidá de facer comparanza ente elles. La finxadura d’un patrón melódicu con final descendente nes interrogatives absolutes del asturianu y del español canariu, de frente al carauterísticu final ascendente del castellanu y de delles otres variedaes del español, determina fundamentalmente l’interés pola comparanza prosódica ente dambes llingües dende’l puntu de vista dialectométricu a partir de los datos acústicos de dalgunos puntos algamaos polos grupos AMPER-Astur y AMPER-Can. Preténdese, d’esta miente, determinar de forma estadística y, poro, con exactitú, les rellaciones d’alloñamientu y d’averamientu ente l’asturianu faláu en cuatro puntos (Tinéu, Uviéu, Mieres y Ribeseya), representativos d’otres tantes fasteres dialeutales del asturianu (occidental, centro-norte, centro-sur y oriental), y el canariu faláu n’otros tantos puntos de cuatro islles del Archipiélagu: dos de la provincia de Santa Cruz de Tenerife (La Laguna, en Tenerife y San Sebastián, en La Gomera) y dos de la provincia de Las Palmas (Gran Canaria, en Las Palmas y Arrecife, en Lanzarote). Los resultaos llograos afiten una rellación prosódica ente Canaries y la fastera oriental d’Asturies teniendo en cuenta, sobre manera, la modalidá interrogativa. Pallabres clave: prosodia, dialectometría, asturianu, canariu. ; The international AMPER project (Atlas Multimédia Prosodique de l'Espace Roman) has resulted in a great input towards the area of Linguistic Geography for introducing, as a fundamental objective, the prosodic study of Romance languages and ...